Mba’apoha guasu Raíces Real Estate oguenohẽ oñemongu’ekuaáva mba’apohakoty, peteĩ nda’ijojaháiva office oguerekóva motor, ha hese ae oñeg̃uahẽse myama umi oñongatusévape viru ha ojoguasévape péicha yvy rendápe.

Ko oñemongu’ekuaháva mba’apohakoty tekotevẽkueténte oguereko, mba’e pyahupyahu, taha’e wifi, minibar, pantalla LED, generador tee ha aire acondicionado, ha avei mokõi mesa oñeñangareko hag̃ua maymávare.

Ko mba’yru oguereko avei ojejepohéi hag̃ua ha avei alcohol en gel, ha péicha ojejesarekopa opa umi ojejerurévare ani hag̃ua ova mba’asy vai. “Ko apopyrã oñemoheñói ani hag̃ua opyta tape ku’áre jeporombohóga, ha péicha, mba’e payhu reve oñeg̃uahẽ maymáva rendápe”, he’i Ernesto Vázquez, Marketing oisãmbyhýva Reíces-pe.

“Ko mba’apohakoty oguerekopaite oñeñangareko hag̃ua hekopete mayma oñembojáva ojoguaségui ijyvyrã rehe, ohechauka porãitemi yvy ra’anga internet-pe ha ojekuaáva peteĩ pantalla LED-pe; avei, tembipurupyahúrupi memete oñemba’apo oñemboheraguapy peve kuatia teete. Opaite mba’e oñeikotevẽva ojejogua hag̃ua ojejapo paite kuaa ko mba’apohakoty ojeguerovakuaávape”, ombojo’a Ernesto Vázquez.

Ko mba’e ñemboheko ha ijejapo oisãmbyhy Mario Von Glasenapp, Publimóvil pegua, mba’apoha 100% paraguaiguáva, ha péicha Raíces oipytyvõ avei ambue mba’apohárape oñakãrapu’ã jey hag̃ua.

“Raíces Real Estate-pe omboaguara ha ombovy’a ojapóre koichagua oñangareko hag̃ua, añetehápe rombopyahuségui voi akóinte rojapóva rohechaukávo romomba’eha mayma oñembojávape ore rendápe, ha péina péicha roikuave’ẽvo chupekuéra peichagua mba’apohakoty nda’ijojaháiva ñande jerére”, ombohu’ã.