back

MARANDU

Paraguái: Mba’emba’épa rejapokuaaa nde viru remomba’apo hag̃ua ko tetã ohecharamóva argentina-guakuérape

Ko’ã jasy ohasava’ekuépe, argentina-guakuéra oma’ẽsapyso karia’y inmobiliaria-pe ñemba’apo Paraguái rehe oĩ porã rehe ko tetã viru tuichakue, okakuaáva oúvo ojapóma 15 ary. Upéva ryepýpe, ikatu oñegana dólar-pe mokõi papapy jey peteĩ arýpe, ha Argentina-pe oĩ araka’eve’ỹrõguáicha 2%-pe, ndoguejýi rehe yvy repy dólar-pe ha ojehepyme’ẽtaramo ojeiko hag̃ua peso-peva’erã ha péva he’ise tuichaiterei ojeitaha ndehegui viru.

“Oguejy rire hepy 2018 ha 2019-pe hetave umi omba’eporandúva ha, jepémo ko mba’asy vai aja ndaikatúi ojeho, umi tapicha oporandu ha ojeporeka marandúre. Ikatu jey vove ojehasa tetã ambuépe oikóta mba’e jejogua”, he’i Ernesto Figueredo Coronel, Raíces Real Estate motenondehára, paraguaigua mba’apoha guasu ojapóva táva iñembotypy ha nahániriva. Heta argentina-guáma omba’ejogua chuguikuéra, taha’e oinvertíva térã umi ikatupyrýva ha oikóva tava’iveháre, ováva’ekue hembiapo rupi térã omongakuaasevégui imba’apohatee.

Avei, José Rozados, omoakãva Reporte Inmobiliario, ohechakuaa avei mba’eichaitépa oma’ẽ argentina-guakuéra Paraguáire, hetaiterei oñeporandúre chupekuéra ipágina web-pe ha upévare ombosako’íkuri hikuái oñeñombyaty hag̃ua tembipurupayhu rupive, oĩhaguépe 800 tapicha.

Peteĩva umi oñe’ẽva’ekue upépe niko Humberto Foresti, oĩva HF Proyectos & Inversiones-pe ha imoakãharavoi, ojapómava 10 ary omba’apohague Paraguáipe.

“2011 arýpe Paraguái inambipu’ã ñepyrũ Cristina Kirchner oñapytĩrõ guare dólar ha oñembo’yporágui, ndojepagahetáire impuesto ko tetãme: 10% ojehepyme’ẽ rentabilidad rehe ha 10% renta personal rehe, ojeikuaáva ko’ápe upe hembývaramo. Avei, ha’e peteĩ tetã ojesarekopaitéva leikuérare: peteĩ Código Civil ojepuru contrato de locación ha compraventa-rã ha ikatu remoĩnge ha reguenohẽ rejaposeháicha viru, reguatáma guive léi ári. He’iséva, umi banco-kuéra ojerure mamóguipa osẽ umi viru”, he’i.

He’iháicha Foresti, 2010 arýpe Paraguáipe oñemopu’ã hetaiterei óga guasuguasu oguerekóva departamento oĩva Paraguay ryepýpe, ikatúgui kuri ojejapo 50% virúpente Buenos Aires rovake. Añetehápe, paraguaiguakuéra reko -ojepokuaáva oiko óga orekóva 600 m2 ha yvotyty 2.000 m2-pe-, peicharupi oñepyrũvo ndahetáikuri umi oipotáva ha sa’ive oñegana pype oñeha’arõva’ekuégui (5%, 9% rãngue).

“Ko’ág̃a rupi mba’erepykuéra hendapepáma oĩ ha oñekuave’ẽ porãvéma jahechápa ndojoguái paraguaigua. Ko’ág̃a, umi ticket oguerekóva US$ 300.000 ha US$ 600.000 rãngue, ndojejuhu pya’éi térã ndojejuhuietevavoígui oipotáva, ojehechahína oguerekóva US$ 50.000 ha US$ 100.000, umi ára ha ára oikéva omba’apo Paraguaýpe g̃uarãichagua. Oĩ 2.000.000 ñande rapicha oikéva ára ha ára táva guasu jerégui Paraguaýpe ha ojepuruka viru hipoteca-re ohupytýva 9%”, omombe’u. Ha’e ohechaháicha, peteĩ tenda ndatuicháiva ovaléva US$ 50.000 rehe ikatu ojejerure jasy pukukuépe jepi US$ 200.

Ambue mba’e porã oñeikuave’ẽva niko umi oñemba’apoha AA haimetéva AAA oĩva óga yvatépe ha oguerekopaitéva temikotevẽmby ojehasa porã hag̃ua, añetehápe ojuhuporãitemíva umi upe tetãmeguakuéra oikeva’ekue ipype. “Mba’apohakuéra Paraguáipe oñangarekova’ekue ogaha guivénte. Péicha, ijarakuéra ndopagáimiva’ekue hese expensa-kuéra ha ojepaga uvei chupekuéra US$ 6 peteĩ m2 rehe. Upévare, osẽ’ypýrõ guare ko mba’apoharã iporãvémava ovaléva US$ 18 peteĩ m2 ha hi’ári expensa-kuéra, hasy nungákuri mba’apohakuéra ova hag̃ua; katu, peteĩnte tekotevẽ ova ha hapukuéri ova joaitéma avei umi ambuéva ha péichape iñambue añetehápe ko mba’e jepokuaa ha oñeñepyrũ ojepaga US$ 17 peteĩ m2 rehe. Nda’aréi rome’ẽ peteĩ mba’apohakoty oguerekóva 80 m ha ojepaga hese US$ 220.000, ha oikova’ekue ipype opagákuri US$ 1.400 peteĩ jasy pukukuépe”, omombe’uve.

Ha Figueredo Coronel, Raíces Real Estate pegua, he’i reipurukahaguére peteĩ óga peteĩ távape ikatuha regaha pype 5% guive 12% peve, repaga’ỹre guereti impuesto ha ambueve mba’e, ha ojehechakuaava’erã avei araka’épa ojeike ko negocio-pe. “Roguereko táva oñepyrũva’ekue US$ 50 térã US$ 60 peteĩ m2 reve ha upéi ohasa rire ary ojehepyme’ẽva US$ 200-re. Rehejáramo nde capital 5 térã 7 ary ikatu heta nemogana, taha’e revendévo térã reipurukávo rejapo rire pype óga. Ha nda’ipóri isegurovéva la yvýgui, ko’ýte ko’ãichagua mba’asy vaípe”, omohu’ã.