Bali IV hérata óga yvate iporãporãtava umi hyepypegua, ojejapótava Condominio Aqua Village-pe, Altos-pe, ag̃uiete San Bernardino távagui. Jasypateĩme oñepyrũtama ojejapo ha oñemohu’ãse jasypoapy 2022-pe, péicha he’i Elaine Gómez de la Fuente, Producto oisãmbyhýva – Aqua Village-pe, Raíces Real Estate-pe.

Gómez de la Fuente he’i ko óga ojejapo ogapypeguakuérape g̃uarã: peteĩteĩva oguerekóta 2 térã 3 koty, oñeñombyaty hag̃ua oñeñekosinaha reve ha oĩ oguerekótava avei koty oñeikotevẽramoguáva. "Peteĩ departamento Bali-pe ha’ete voi oĩva yvágape. Heropýva ‘pé na areia’, umi Bali róga ojejapo ag̃uiete playa-gui, ha kóva katu ojoavy umi mbohapy ambuégui oguerekógui mbohapy departamento yvýpe, ijyvotyty peteĩteĩva ha heta departamento 5 pisohápe, iterrásava peteĩteĩva. Eimo’ãmíntena mba’eichaitépa iporãne upe 6 pisohágui", omombe’u.

Umi departamento ojejapo tapicha aty A-pe g̃uarã: Aqua Village jarakuéra, ipehẽngue térã iñangirũnguérape g̃uarã ojoguáva okakuaágui ogapy, térã oñongatuségui iviru. Ha umi mokõiha oñembohogaséva ko tenda porãitépe, omombe’u. “Ko óga yvate oguerekóta hyepýpe 24 departamento, 4 oguerekóta peteĩteĩva umi písope. Ojejapógui píso tuichakue javeve ko’ã departamento, peteĩteĩvagui ojehecha y apu’a Crystal ha umi itaty. Iporãitemíva”, he’i.

Oguereko peteĩ lobby ha oje’aojoheiha; avei, ko óga guasu oguereko piscina privado-va ijyvatéva ha tuicha deck ojehasa porã hag̃ua ogaygua ha angirũnguéra ndive. Katu, añetehápe upe tuicha mba’evahína opa umi ojehasa hag̃ua oñondivekuéra oguerekóva ko condominio, umi 26 ha oguerekóva Crystal Lagoon ári, oguereko avei bar de playa, club house oñeme’ẽva peteĩ mba’apoha ijojaha’ỹvape, tenis oñeha’ãha, ojejetapy hag̃ua angirũnguéra ndive ha peteĩ parque oguerekóva haimete 60 ha ojehasa porã hag̃ua ipype bici-pe. Ko óga oguereko generador imba’e teéva ohupytypaitéva hyepypeguakuérape, ha ko’ýte oñemomba’e péva rupi.

MBA’EICHAITÉPA OJEJOGUAKUAA

Hepy US$ 250.000 rupi. “Raíces omboja’o 48 jasy peve ojepagakuaa hag̃ua ko óga yvate peguáre. Ñepyrũrã reme’ẽ’imi ha upéi osyryrýma jasy jave jepi, térã ikatu avei oñeme’ẽ jey jipi tuichave”, ombojo’a Elaine Gómez de la Fuente, Producto oisãmbyhýva – Aqua Village-pe, Raíces Real Estate pegua.

Ojejoguáramo pozo rupive ndahepyive. Ko’ag̃aitéramo michĩvehápe oĩhína mba’erepykuéra; upévare, ojoguáva idepartamentorã ko’ág̃a, tuicha ou porãne chupe, omombe’u.

Umi Aqua Village jarakuéra oguereko peteĩ mba’e: hepyhepyve ohóvo, upe tenda oñemomba’eguasuve; upévare, ojoguáva pozo-pe ou porãitemi.

“Rohechamanteva’erã añetehápe ikatúpa opaga upe ojoguasevahína ha rojerue opa umi kuatia ojejerurevavoínte oñevendétaramo peteĩ inmobiliaria-gui. Tekotevẽ umi ojoguátava ohechauka mamóguipa oguenohẽ viru, romba’apógui ojerurehaichaite Hacienda ha Seprelad ári”, omombe’u.