Yvy térã ogakuéra ñevende iñambue tuicha tembipurupyahukuéra oike rire ha omohendague ojehorãngue ojehechauka opytahápe upe yvy, óga térã condominio, ko ñande reko pyahúpe.

Upévare, Raíces Real Estate guive oñemba’apómavoikuri ojejúvo mbohapy ary guivéma ko’ãichagua mba’e pyahúpe. Añetehápe, ko mba’asy vai ombopya’eve ko mba’e, ha tuicha avei oipytyvõ oñembopyahu hag̃ua ko mba’apoha guasu, he’i Ernesto Vázquez, Marketing omoakãva Raíces Real Estate-pe.

Ojehechauka rire oĩhápe umi óga, hyepy ha heta ambue mba’e ojehasáva oñeimérõ upépe, ko’ág̃a opa ko’ã mba’e ojehechauka ha oñeñandukava’erã ambue hendáicha.

“Ko’ág̃a rohechaukava’erã oñeganaha pype, mba’éichapa ojehecharamove ohóvo ko’ág̃arupi, opa ko’ãva tour rojapóva tembipurupyahu rupive ha rohechaukava’erã upe roikuave’ẽva añetehápe tuicha mba’ehína upe ojoguávape g̃uarã”, omombe’u Vázquez.

Avei, oguerojera peteĩ tembipurupyahu mayma umi ikatúva omba’ejogua oike hag̃ua pype ha ohecha umi yvy, ha péichape noñembohasýi iñevende. “Umi oikuave’ẽva ko’ág̃a ohechauka plano ha upe mba’e repy tembipurupyahúpe, oipuru avei ta’angamýi jahechápa upéicha novendéi”, omoirũve ko mburuvicha.

Raíces Real Estate oñangarekopaite maymávare ha oikuave’ẽ yvy ha ogakuéra, ha avei condominio tuichatuicha ha iporãrasáva, Aqua Village-ichagua opytáva Altos távape, térã Costa del Lago, oĩva Hernandarias-pe, ko’ã apopyrã heñoiva’ekue atyháicha távape ojeiko hag̃ua.

Ambue mba’e oikuave’ẽ niko umi óga ojapóva condominio ryepýpe, omboheko porãve hag̃ua upe táva. Ojeikuaava’erã avei, kóva añoite mba’apoha guasu ikatupyrýva consorcio de copropietario apópe.

Opa mba’e ovendéva niko hepyhepyve ko’ẽ rei rehe, ha upéva ári oipytyvõ avei ojehetejorávo oñeikotevẽva rehe oñemba’apo hag̃ua ha avei tove tojehasa porã, omombe’u Vázquez.

“Roguereko oñeikotevẽva 360, ojoguaséva yvy, departamento térã óga, roguerekopaite opaichaguápe g̃uarã”, omombe’u.