back

MARANDU

Il Capo, jekaruha Aqua Village oikuave’ẽva pyahu

Condominio Aqua Village ogueroike ñepyrũ peteĩ ojekaruha guasúpe: pevahína Il Capo, jekaruha ojeikuaaitemíva, oguerekóva Italia rembi’u ha ohenóiva mayma oikóva condominio-pe oñemboja hag̃ua ha tohasa porã mba’e porãita apytépe, ho’ukuévo pasta héva. Avei, myama oikóva condómino-pe ikatu ombosako’i ha oguerovy’a arapotykuéra, ohasa osena hogauyguakuéra ndive, oguerovy’a ipype mitãkarai, ñemenda, ha ambueve aty guasu.

Il Capo oñemindu’umahína ara pyahu oikétavare, upeva’erã ombosako’i Club House ryepýpe 100 tapichápe g̃uarã apyka, oñangarekopaitévo opa ojejerurévare ani hag̃ua mba’asy vai ova. Upéichante avei, Bar de Playa oguereko umi okápe ha playa renondépe oĩsévape g̃uarã. Avei, mayma oikóva condominio-pe ikatu omokõ opa umi tenda Bali oikuave’ẽvape, térã, orahakuaa ógape.

“Osẽ porãvéva orevehína pasta-kuéra, upévape orekatupyryve, katu roguereko hetaiterei ambue tembi’u ojejapóva so’o, póllo, risotto-kuéra térã pirágui, tembi’u ykeregua ha hi’ári g̃uarã hekuete. Bar Playa-pe roguereko minuta-kuéra, he’ẽva, py’ajokorãnguéra ha heta ambue rerambosa térã remerenda hag̃ua”, he’i Paola Bresanovich, ko tenda jára.

Hi’upykuérape omoirũ voínte avei oñemokõséramo umi vino iporãnguetéva taha’e Argentina térã Chile peguare, destilado-kuéra, ñemokõrã ha trago térã infusion-kuéra hekuete. Umi oñeikuave’ẽvéva apytépe oĩ ikarakukue, ñóki jetyguigua reve, ha raviol-kuéra salmón guiguáva; katu, hi’upy ymave guarémava ha araka’eve oñemboykeivahína Ñoqui Il Capo.

“Ko’ẽ rei rehe hetave og̃uahẽ oréve mba’erejurepy térã tapicha ou pyahúva, upévare ro’e romba’apo porãha ha hi’ã rokakuaa rohóvo”, he’i ijára. Opa umi oikóva ko condominio-pe ikatu oho Club House-pe arapoteĩ, arapokõi ha arateĩ jave, taha’e okaru térã osena hag̃ua hekuete. Ha Bar de Playa katu oporoha’ãrõ araapy guive arateĩ meve, 9:00 aravo guive 19:00 peve.

Reñemomarandusevéramo, ikatu rehapykuereho chupekuéra red social-kuéra rupive: @Ilcaporestaurant.